Ты хацеў мяне знішчыць...

Ваша адзнака: Нет Сярэдняя: 4.4 (8 галасоў)

Ты хацеў мяне знішчыць,
І ты знішчыў мяне.
На жыццёвым на днішчы
Цалаваў, як умеў.

Ох, умеў ты, мой любы,
Маё сэрца забіць.
Я хачу тваёй згубы,
Толькі мушу любіць.

Не ратуе ні слова,
Ні зычлівы пагляд.
Маё гора — не нова.
Маё шчасце — не сад.

Ты хацеў мяне знішчыць.
І ты знішчыў мяне.
Я ўжо не на днішчы,
А на небе йшчэ не.

Theme by univerko.ru, support by cytatnik.ru.