Я пайшла не да бога

Ваша адзнака: Нет Сярэдняя: 4.8 (15 галасоў)

Я пайшла не да бога.
Я пайшла да людзей.
Толькі й гэта дарога
Не прынесла надзей.
Мне яшчэ пацяжэла
У нясходнай журбе:
Я ў людзях разглядзела
Тое, што і ў сябе.
Кожны носіць пакуту.
Кожны хоча кахаць.
А на свеце атруту
Трэба піць і ўміраць.
Я пайшла не да бога.
Я пайшла да людзей.
Толькі й гэта дарога
Не прынесла надзей.

Водгукі

даруй ей, божа! у яе было чыстае сэрца...

Theme by univerko.ru, support by cytatnik.ru.